Fíggjarmálaráðið

Fíggjarmálaráðið er aðalráðið hjá landsstýriskvinnuni í fíggjarmálum.

Høvuðsuppgávan hjá Fíggjarmálaráðnum er at veita landsstýriskvinnuni ráðharratænastu á teimum málsøkjum, sum landsstýriskvinnan umsitur, m.a. at ráðgeva landsstýriskvinnuni á fíggjarpolitiska, búskapar­politiska, skatta- og avgjaldspolitiska, lønarpolitiska og talgildingarpolitiska økin­um, soleiðis at landsstýriskvinnan kann taka vælgrundaðar avgerðir.

Fíggjarmálaráðið samskipar annars tvørgangandi uppgávur á fíggjar- og búskaparpolitiska økinum.

Fíggjarmálaráðið fyriskipar landsins búskaparstýring og skapar grundar­lag fyri, at landsfyri­sitingin greiðir sínar uppgávur væl búskaparliga

Fíggjarmálaráðið er ovasti fyristingarligi myndugleiki hjá teimum stovnum, ið hoyra undir málsøkið hjá landsstýriskvinnuni í fíggjarmálum.

Meir kunning um málsøkini hjá landsstýriskvinnuni í fíggjarmálum  og fíggjarmálaráðnum er at finna í málsøkjabýtinum.