Ljóðbøkur gerast avgjaldsfríar eins og aðrar bøkur

Uppskot til løgtingslóg um broyting í løgtingslóg um tollsatsir (Toll og vøruskráin)(Ljóðbøkur gerast avgjaldsfríar eins og aðrar bøkur)

Orsøkin til uppskotið er, at landsstýriskvinnan hevur avgjørt, at ljóðbøkur skulu gerast mvg-fríar, og harvið javnsettar við vanligar prentaðar bøkur. Fyri at umsita avgjaldsfrítøkuna krevst, at ljóðbøkur fáa sítt egna vørunummar í Toll- og vøruskránni. Við hesum uppskotinum fáa ljóðbøkur sítt egna vørunummar.

Verður uppskotið samtykt er ætlanin at broyta Kunngerð nr. 22 frá 19. februar 2003 um meirvirðisgjaldsskylduga sølu av bókum soleiðis, at vørunummarið hjá ljóðbókum verður umfatað av kunngerðini, og ljóðbøkur sostatt gerast mvg-fríar eins og aðrar bøkur.

løgtingslóg toll og vøruskrá.pdf