Broytingar í løgtingslóg um ferðslu

Uppskot til løgtingslóg um broyting í løgtingslóg um ferðslu (Broyting av allýsingini av lendisakførum, atgongd til upplýsingar úr Akfarsskránni, umbýtan av bretskum koyrikorti til føroyskt koyrikort, broyting í heimildunum hjá landsstýrismanninum og broyting í ásetingunum um gjøld fyri skoðan)

Broytingarnar eru m.a. hesar:

Broyting av allýsingini av lendisakfari

Atgongd til upplýsingar úr akfarsskránni hjá Akstovuni. Uppskotið hevur við sær, at heimildin til atgongd til akfarsskránna hjá Akstovuni verður savnað í ferðslulógini heldur enn í fleiri ymiskum serlógum. Uppskotið leggur somuleiðis upp til, at gjørdar verða skipaðar reglur um elektroniska atgongd til akfarsskránna hjá Akstovuni fyri almennar eftirlitsmyndugleikar, tryggingarfeløg í Føroyum, feløg og stovnar, sum krevja gjald fyri nýtslu av almennum økjum og tænastum, peningastovnar í Føroyum, bilasølur, verkstøð og eykalutasølur.

Umbýtan av bretskum koyrikorti til eitt samsvarandi føroyskt koyrikort. Eftir 1. jan. 2021 kann hetta ikki lata seg gera uttan so at farið verður til eftiransandi koyriroynd.

Broyting í heimildunum hjá landsstýrismanninum.

Broyting í ásetingunum um gjøld fyri skoðan (sýn). Tað vísir seg ofta at vera trupult hjá fólki at boða frá dagin fyri, sum tey skulu til sýn við bilinum. Hetta verður nú broytt til, at tey kunnu boða frá sama dag, at tað ikki ber til hjá teimum at møta til sýn.

Uppskot Til Broyting Í Ferðslulógini