18.12.2018 · Fíggjarmálaráðið
Semja millum øðrumegin Fíggjarmálaráðið og hinumegin Fysioterapeutfelag Føroya og Ergoterapeutfelagið
![Semja millum øðrumegin Fíggjarmálaráðið og hinumegin Fysioterapeutfelag Føroya og Ergoterapeutfelagið](https://landsstyri.cdn.fo/savn/11758/ergo-og-fys-semja.jpg?width=1024&height=576&rxy=0.50166666666666671,0.31777777777777777&rmode=crop&t=887&s=NTcagjgtjLNwjHxHucRHpJPb3Ic)
Semja varð í gjár undirskrivað millum øðrumegin Fíggjarmálaráðið og hinumegin Fysioterapeutfelag Føroya og Ergoterapeutfelagið.
Talan er um ein 3 ára sáttmála, galdandi frá 1. okt. 2017 til 1. okt. 2020.
Tann 1. okt. 2017 hækkar mánaðarlønin 0,2%, tann 1. okt. 2018 hækkar mánaðarlønin 1,5% og tann 1.okt. 2019 hækkar mánaðarlønin 1,3%.
Harafturat eru broytingar í skalagongdini, ið gera, at endalønin hjá ergoterapeutum og fysioterapeutum hækkar øll 3 árini.
Ásetingarnar um barnferð eru broyttar og betraðar eins og í øðrum semjum, ið eru gjørdar hetta skeiðið. Tað merkir m.a., at kvinnur løntar eftir sáttmálanum altíð hava rætt til 24 vikur við løn eftir barnsburð.
Fíggjarmálaráðið