30.11.2018 · Fíggjarmálaráðið
Semja millum Kommunala Arbeiðsgevarafelagið og Fíggjarmálaráðið øðrumegin og Heilsurøktarafelagið hinumegin
![Semja millum Kommunala Arbeiðsgevarafelagið og Fíggjarmálaráðið øðrumegin og Heilsurøktarafelagið hinumegin](https://landsstyri.cdn.fo/savn/11650/heilsuhj.jpg?width=1024&height=576&rmode=crop&s=vGH6Iebr-aAZ9KXr5Zy7QC0N7A8)
Fyri løtu síðani skrivaðu almennu arbeiðsgevararnir og Heilsurøktarafelagið undir 2 ára semju.
Umframt lønarhækkan inniber semjan millum annað eftirløn svarandi til 5 % til tímalønt, broyting av flokkingum hjá deildarleiðarum, eitt eyka lønarstig í lønarskalanum hjá vanligum heilsurøktarum og dagføring av sáttmálaásetingini um barsil.
Harumframt hava sáttmálapartarnir avtalað at seta ein arbeiðsbólk at kanna í hvønn mun, tað er møguligt hjá heilsurøktarum at verða settir við hægri setanarbrøki og/ella fullum setanarbrøki.