![Semja millum Fíggjarmálaráðið og Maskinmeistarafelagið](https://landsstyri.cdn.fo/savn/14217/mf2020-mynd-semja.jpg?width=1024&height=576&rxy=0.550755939524838,0.33429394812680113&rmode=crop&s=7ejBEAyyfqYT5Gz0t-OknLO6hbM)
Fíggjarmálaráðið hevur í dag gjørt tríára sáttmála við Maskinmeistarafelagið. Sáttmálin er fyri tíðarskeiðið frá 1. oktober 2019 til 1. oktober 2022.
Semjan er galdandi fyri trý sáttmálaøkir: Maskinmeistarar í almennari tænastu á landi, Strandfaraskip Landsins og skipini hjá Havstovuni.
Semjan inniber, at lønirnar hækka 2,56% tann 1. oktober 2019. Tann 1. januar 2021 hækka lønirnar 2,05%, og tann 1. oktober 2021 hækka lønirnar 1,25%.
Nýggja havransóknarskipið Jákup Sverri og nýggja tríkiljan hjá Strandfaraskip Landsins eru flokkaði inn í sáttmálarnar, umframt at smávegis broytingar eru gjørdar í sáttmálunum.