Fíggjarmálaráðið og Havnar Arbeiðskvinnufelag skrivaðu í gjár undir nýggjan sáttmála.
Lønarhækkanirnar eru innan fyri sama karm, sum onnur fakfeløg hava fingið, t.e. 2,25% fyrra árið og 1,9% seinna árið.
Bæði árini er ein partur av karminum brúktur til at hækka eftirlønargjaldið, fyrst upp í 12,5%, síðan upp í 13,5%.
Nýggjar ásetingar eru eisini í sáttmálanum um eftirlønargjald, barnferð og uppsøgn, so hesar eru meira tíðarhóskandi og í samsvari við lóggávu á økinum, og ólavsøkuaftan gerst heilur frídagur.
Argir, 18. mars 2016
Fíggjarmálaráðið