Fíggjarmálaráðið avsannar staðiliga søguna í Degi & Viku í gjárkvøldið um, at ein rossahandil er inngingin millum landsstýrismannin í fíggjarmálum og limir í Tvøroyrar býráð.
At tvingsulbøturnar, sum vórðu álagdar ávísum býráðslimum, eru sleptar, er einans eitt úrslit av, at Tvøroyrar býráð nú hevur broytt roknskapirnir fyri 2007 og 2008 sambært roknskaparkrøvunum í Kommunustýrislógini.
Søgan í Degi & Viku um, at ein rossahandil er inngingin, er tí íspunnin. Á fundinum millum landsstýrismannin í fíggjarmálum og Tvøroyar býrað 9. mei varð spurningurin um roknaskapirnar viðgjørdur. Men á sama fundi varð sjálvsagt eisini fíggjarstøðan hjá kommuni viðgjørd, nú inntøkurnar hjá kommununi eru minkaðar, og spurningurin um, hvussu kommunan ætlar at røkka ásetingini um, at lániskuldin ikki skal vera oman fyri eina álíkning.
Men her er talan um tvinnandi mál, sum Svf av ein ella aðrari orsøk royndi at tvinna saman.
á Argjum, 10. juni 2009
Fíggjarmálaráðið