![Bárður Larsen kannar TAKS](https://landsstyri.cdn.fo/savn/9287/csm_bardur_larsen_01_d73e81c776.jpg?width=1024&height=576&rmode=crop&t=39487142&s=byj7ssIFTShuFUrvcD2Lh10OupY)
Fíggjarmálaráðið hevur sett Bárð Larsen, adjunkt á Fróðskaparsetrinum, at kanna handfaringina hjá TAKS av sonevnda Eik-málinum.
Fíggjarmálaráðið ynskir at seta ein uttanveltaðan persón við løgfrøðiligum førleikum og servitan innan fyrisitingarrætt at standa fyri kanningini.
Bárður Larsen verður settur sum bráðfeingisstjóri á TAKS, sum tryggjar honum atgongd til øll skjøl í málinum og atgongd til starvsfólk á TAKS. Bráðfeingisstjórin skal kanna handfaringina hjá TAKS av sonevnda Eik-málinum, herundir málsgongdina í mun til galdandi reglur, og um tað var rætt av TAKS ikki at senda fútanum málið til revsirættarliga støðutakan.
Miðað verður eftir, at kanningin í seinasta lagi er liðug í junimánað í ár. Tá kanningin er liðug, verða niðurstøðurnar almannakunngjørdar.
Mynd: setur.fo